ఇళ్ల స్థలాలపై మాట తప్పిన ఎమ్మెల్యే ప్రకాష్ గౌడ్.

రాజేంద్రనగర్,(సిరా న్యూస్); రాజేంద్రనగర్ నియోజకవర్గం భారతీయ జనతా పార్టీ అభ్యర్థి తోకల శ్రీనివాస్ రెడ్డి ప్రచారంలో దూసుకుపోతున్నారు. ప్రచారానికి మరో ఒక్కరోజు మాత్రమే గడువు మిగిలి ఉండడంతో ప్రచారంలో దూకుడును పెంచిన ఆయన గల్లీ గల్లీలో ప్రచారాన్ని ఉధృతం చేశారు. శంషాబాద్ మున్సిపాలిటీ పరిధిలోని గొల్లపల్లి, తొండుపల్లి, ఊటుపల్లి ప్రాంతాల్లో విస్తృతంగా పర్యటించిన తోకల శ్రీనివాస్ రెడ్డి రోడ్ షో ద్వారా జోరుగా ప్రచారం నిర్వహించారు. ఈ సందర్భంగా బిజెపి యువనేత ప్రవీణ్ ఆధ్వర్యంలో తోకల శ్రీనివాస్ రెడ్డికి అపూర్వ రీతిలో స్వాగతం పలికారు. ఈ సందర్భంగా గొల్లపల్లిలో ఏర్పాటుచేసిన కార్నర్ మీటింగ్ లో మాట్లాడిన తోకల శ్రీనివాస్ రెడ్డి.... అధికార పార్టీ ఎమ్మెల్యే ప్రకాష్ గౌడ్ పై తీవ్రస్థాయిలో మండిపడ్డారు. 15 ఏళ్లు ఎమ్మెల్యేగా ఉండి స్థానిక ప్రజలకు ఇళ్ల స్థలాలు ఇస్తానని మాట తప్పారని…