యానిమల్ రన్ టైమ్ పై విమర్శలు

సిరా న్యూస్,చెన్నై;
వయలెన్స్… వయలెంట్ యాక్షన్ సీక్వెన్సులకు దర్శకుడు సందీప్ రెడ్డి వంగా అసలు సిసలైన నిర్వచనం ఇస్తారని ప్రేక్షక లోకం బలంగా నమ్ముతోంది. ఆయన దర్శకత్వం వహించిన లేటెస్ట్ సినిమా ‘యానిమల్’ టీజర్, ట్రైలర్ చూపించిన ఇంపాక్ట్ అటువంటిది. రణబీర్ కపూర్ ఖాతాలో హిందీ హిట్స్ ఉన్నాయి. అయితే… ఆయనకు యాక్షన్ ఇమేజ్ లేదు. అటువంటి హీరోని తీసుకుని భారీ యాక్షన్ సీన్స్ చేయడమే కాదు… టీజర్, ట్రైలర్ ద్వారా కన్విన్స్ చేశారు సందీప్ రెడ్డి వంగా. మరి, సినిమాలో యాక్షన్ ఎలా ఉండబోతోంది?’యానిమల్’ ఇంటర్వెల్ బ్లాక్ మైండ్ బ్లోయింగ్ అనేలా వచ్చిందని యూనిట్ క్లోజ్ సర్కిల్స్ చెబుతున్నాయి. ఆ ఒక్క ఎపిసోడ్ 18 నిమిషాలు ఉంటుందని టాక్. ఈ సినిమా మొత్తం మీద యాక్షన్ సన్నివేశాల నిడివి 30 నిమిషాల కంటే ఎక్కువ ఉంటుందని తెలిసింది.
‘యానిమల్’ రన్ టైమ్ మూడు గంటల 21 నిమిషాలు. అందులో అర గంటకు పైగా యాక్షన్ అంటే… మిగతా సన్నివేశాల నిడివి రెండున్నర గంటలు లేదా రెండు గంటల 45 నిమిషాలు ఉంటుంది. తండ్రి కొడుకుల మధ్య డ్రామాతో పాటు హీరో హీరోయిన్స్ మధ్య సన్నివేశాలు సైతం ఆకట్టుకునేలా వచ్చాయని టాక్. యానిమల్’ ట్రైలర్ అంతా ఒక ఎత్తు. చివరలో మెషిన్ గన్ పట్టుకుని శత్రువుల మీద రణబీర్ కపూర్ చేసిన ఫైరింగ్ మరో ఎత్తు. ఆ గన్ గ్రాఫిక్స్ కాదని, ఒరిజినల్ అని సందీప్ రెడ్డి వంగా చెప్పారు. సుమారు నాలుగు నెలల పాటు శ్రమించి దానిని రెడీ చేయించారట. కేవలం ఆ గన్ తయారీకి రూ. 50 లక్షలు ఖర్చు చేశారట. ఆ గన్ త్వరలో హైదరాబాద్ తీసుకొచ్చి కొన్ని థియేటర్లలో ప్రేక్షకుల సందర్శనార్థం ఉంచాలని ప్లాన్ చేస్తున్నారట. మరి, కుదురుతుందో? లేదో? చూడాలి.