హంగ్ లో కింగ్… మారిన కమల వ్యూహం…

హైదరాబాద్, నవంబర్ 20, (సిరా న్యూస్) రాష్ట్రంలో ఎన్నికల ప్రచారం ఊపందుకున్నది. ప్రధాన పార్టీల జాతీయ, రాష్ట్రస్థాయి నేతలు నియోజకవర్గాలను చుట్టేస్తున్నారు. బీఆర్ఎస్, కాంగ్రెస్ చావో రేవో అన్నట్లుగా బరిలో ఉన్నాయి. కానీ బీజేపీ మాత్రం కాస్త నింపాదిగానే ఉంది. దీనికి కారణం బీజేపీ వ్యూహాలు వేరేగా ఉండటమే. తెలంగాణ అసెంబ్లీ ఎన్నికలు పూర్తి స్థాయిలో హోరాహోరీగా సాగుతున్నాయి. ఇందులో సందేహం లేదు. ఎక్కువ మంది హంగ్ వస్తుందని అంచనా వేస్తున్నారు. ఒక వేళ హంగ్ అంటూ వస్తే.. కింగ్ అయ్యేది బీజేపీనేనని ఆ పార్టీ నేతలు బహిరంగంగానే చెబుతున్నారు. దీనికి కారణం... రాజకీయ పరిస్థితులు మాత్రమే కాదు.. బీజేపీ వ్యూహాలు కూడా అనుకోవచ్చు. బీజేపీ హైకమాండడ్ కు ఓ స్పష్టమైన విజన్ ఉంటుంది. ఏదైనా రాష్ట్రంలో పోటీ చేస్తున్నప్పుడు బలాబలాల్ని అంచనా వేసుకుని తాము గెలవగలిగే…