
ఎట్టకేలకు చిక్కిన 200 కోట్లు ఎగవేతదారుడు
సిరా న్యూస్,హైదరాబాద్; హైదరాబాద్ సెంట్రల్ క్రైమ్ స్టేషన్ (సీసీఎస్) పోలీసులు మోస్ట్ వాంటెడ్ ఆర్థిక నేరస్థుడిని అరెస్ట్ చేశారు. పెట్టుబడుల పేరుతో బ్యాంకుల నుంచి కోట్ల రూపాయల రుణాలు తీసుకొని నిండా ముంచుతున్న ఘరానా మోసగాడు చదలవాడ రవీంద్రబాబును సీసీఎస్ పోలీసులు సోమవారం అరెస్ట్ చేశారు. పంజాగుట్ట ఠాణాలో నమోదైన కేసుకు సంబంధించి నాన్ బెయిలబుల్ వారెంట్ జారీ కావడంతో నెల రోజుల పాటు నిఘా ఉంచిన పోలీసులు ఎట్టకేలకు నిందితుడిని అదుపులోకి తీసుకున్నట్లు సీసీఎస్ ఏసీపీ అశోక్ కుమార్ వెల్లడించారు. ఏపీలోని నెల్లూరు ప్రాంతానికి చెందిన చేదలవాడ రవీంద్రబాబు బీఎస్సీ పూర్తి చేశాడు. కొనేళ్ల క్రితం బతుకుదెరువు కోసం హైదరాబాద్ నగరానికి వలస వచ్చాడు. ముందు ఉప్పల్ లో డైరీ ఫార్మ్ బిజినెస్ చేసిన రవీంద్రబాబు ఆపై ఎలక్ట్రికల్ ట్రాన్స్ఫార్మర్స్ కాంట్రాక్టర్ గా మారి నిజామాబాద్…
