https://siranews.in/
Bheema Koregaon: భీమా కోరేగావ్‌ శౌర్య దివస్‌ను విజయయవంతం చేయాలి
సిరా న్యూస్, ఇంద్రవెల్లి:
భీమా కోరేగావ్‌ శౌర్య దివస్‌ను విజయయవంతం చేయాలి
– అంబేడ్కర్‌ అసోసియేషన్‌ జిల్లా అధ్యక్షులు భీంరావ్‌
– ఇంద్రవెల్లిలో పోస్టర్లు ఆవిష్కరణ
జనవరి 1న ఆదిలాబాద్‌ పట్టణంలోని కైలాస్ నగర్ లో నిర్వహించనున్న భీమా కోరేగావ్‌ శౌర్య దివస్‌ను విజయయవంతం చేయాలని, అంబేడ్కర్‌ అసోసియేషన్‌ జిల్లా అధ్యక్షులు భీంరావ్‌ వాగ్మారే అన్నారు. శుక్రవారం ఆయన ఇంద్రవెల్లి మండల కేంద్రంలోని అంబేడ్కర్‌ విగ్రహం వద్ద ఈ మేరకు పోస్టర్లను విడుదల చేసారు. ఈ సందర్భంగా ఆయన మాట్లాడుతూ.. 1818లో జనవరి 1న పూణేలోని భీమా కోరేగావ్‌ గ్రామంలో 28వే పీస్వా సైనికులకు 500మంది మహార్‌ సైనికులకు మద్య జరిగిన భీకర ఆత్మగౌరవ పోరులో మహార్‌ సైనికులు విజయం సాధించారని ఆయన అన్నారు. డా. బీఆర్‌ అంబేడ్కర్‌ తన జీవిత కాలంలో భీమా కోరేగావ్‌ వీరులకు నివాళులర్పించేవారని ఆయన గుర్తు చేసారు. బహుజనులంత తమ ఘనమైన చరిత్ర తెల్సుకోవాలని ఆయన సూచించారు. ఈ కార్యక్రమంలో ఉపాద్యాక్షులు ఉద్దవ్‌ సూర్యవంశీ, ప్రధాన కార్యదర్శి దాదాసాహేబ్‌ జాబడే, మండల అధ్యక్షులు మనోహర్‌ సోన్‌కాంబ్లే, ప్రధాన కార్యదర్శి కుంరాజ్‌ వాగ్మారే, దళిత సంఘాల నాయకులు పాల్గొన్నారు.