ఏపీని లైట్ గా తీసుకున్న బీజేపీ

సిరా న్యూస్,విజయవాడ; ఏపీని బిజెపి లైట్ తీసుకుంటోందా? అందుకే కూటమిని పట్టించుకోవడం లేదా? బిజెపి అగ్ర నేతలు ప్రచారానికి రాకపోవడానికి అదే కారణమా? ఇప్పుడు ఏపీ పొలిటికల్ సర్కిల్లో ఇదే చర్చ నడుస్తోంది. మూడు పార్టీలు కూటమి కట్టిన తర్వాత ప్రధాని మోదీ చిలకలూరిపేట సభకు హాజరయ్యారు. చంద్రబాబు, పవన్ లతో వేదిక పంచుకున్నారు. అయితే నెల రోజులు గడుస్తున్నా… ప్రధాని మోదీ ఏపీ వైపు చూడకపోవడం కొద్దిపాటి అనుమానాలకు తావిస్తోంది.ఆరు నెలల కిందట తెలంగాణ అసెంబ్లీ ఎన్నికల్లో ప్రధాని మోదీ సుడిగాలి పర్యటన చేశారు. కానీ ఏపీ విషయానికి వచ్చేసరికి… అందుకు విరుద్ధంగా వ్యవహరిస్తున్నారు. దీనిపై రకరకాల విశ్లేషణలు ప్రారంభమయ్యాయి.గత ఎన్నికలకు ముందు చంద్రబాబు ఎన్డీఏ నుంచి బయటకు వచ్చారు. ప్రధాని మోదీని విభేదించారు. ఆ ఎన్నికల్లో ఘోర పరాజయం చవిచూసి మూల్యం చెల్లించుకున్నారు. తాను…