Brick kilns: అక్ర‌మ ఇటుక బట్టీలు
సిరాన్యూస్‌, ఇచ్చోడ అక్ర‌మ ఇటుక బట్టీలు * నిబంధనలకు విరుద్దంగా వ్యాపారం * ప‌ట్టించుకోని అధికారులు ఆదిలాబాద్ జిల్లా ఇచ్చోడ‌లో నిబంధనలకు విరుద్ధంగా ఇటుక బట్టీ వ్యాపారులు దందా నిర్వహిస్తున్నారు. రోజురోజుకు పుట్టగొడుగుల్లా పుట్టుకొసున్న ఇటుక బట్టీలు కార్మికుల బతుకులను చిధ్రం చేస్తుండడంతో పాటు జీరో వ్యాపారం జోరుగా జరుగుతోంది. కొందరు ఎలాంటి అనుమతులు లేకుండా వ్యాపారం కొనసాగిస్తున్నారు. వ్యాపారులు నిబంధనలు ఉల్లఘించినప్పటికీ అధికారులు పట్టించుకోవ డం లేదనే ఆరోపణలు వెల్లువెత్తుతున్నాయి. అయితే మండలంలో ఇటుక బట్టీలు ఏర్పాటు చేయాలంటే ముందుగా గ్రామ పంచాయ‌తీతో పాటు మైనింగ్, రెవెన్యూ, పరిశ్రమశాఖ, కార్మికశాఖ, విద్యుత్ శాఖ, రవాణ శాఖల నుండి అనుమతి తీసుకొని బట్టీలు ఏర్పాటు చేసుకోవాలి. కానీ ఇచ్చోడ మండలంలో అవి ఏవి కనిపించడంలేదు. పంట పొలాలలో ఏర్పాటు చేయడమే కాకుండా స్థానికంగా ఉండే వనరులన్ని కొల్లగొడుతున్నారు.…