గులాబీలో చిచ్చుపెట్టిన బీఎస్పీ పొత్తు…
సిరా న్యూస్,అదిలాబాద్; తెలంగాణలో కొత్త పొత్తు పొడవబోతోంది. పదేళ్లు అవసరం మేరకు చిన్న పార్టీలను వాడుకున్న బీఆర్‌ఎస్‌ అధినేత కేసీఆర్‌.. ఇప్పుడు పార్టీ ఉనికి కాపాడుకునేందుకు పొత్తుబాట పట్టారు. ప్రస్తుతం తెలంగాణలో ఆయనను ఏ పార్టీ నమ్మే పరిస్థితి లేదు. ఈ నేపథ్యంలో ఆయన బీఎస్పీ మద్దతు కోరుతున్నారు. ఈమేరకు ఆ పార్టీ రాష్ట్ర చీఫ్‌ ఆర్‌ఎస్‌.ప్రవీణ్‌కుమార్‌ను హైదరాబాద్‌లోని తన ఇంటికి పిలిపించుకుని చర్చలు జరిపారు. తర్వాత ఇద్దరూ ప్రెస్‌మీట్‌ పెట్టి పార్లమెంటు ఎన్నికల్లో కలిసి పోటీ చేయాలని భావిస్తున్నట్లు ప్రకటించారు.పదేళ్లు తెలంగాణలో ఏకఛత్రాధిపత్యం సాగించిన బీఆర్‌ఎస్‌.. 2023 అసెంబ్లీ ఎన్నికల్లో ఓడిపోయింది. కాంగ్రెస్‌ అధికారంలోకి వచ్చింది. దీంతో పరిణామాలు క్రమంగా మారిపోతున్నాయి. పదేళ్లు బీఆర్‌ఎస్‌ వెంట ఉన్న నేతలు పార్టీ మారుతున్నారు. అధికార కాంగ్రెస్‌లోకి కొందరు, కేంద్రంలో అధికారంలో ఉన్న బీజేపీలోకి కొందరు ఇప్పటికే జంప్‌…