అడ్డగోలుగా జీరో దందా…

 సిరా న్యూస్,నల్గోండ; అది నాగార్జునసాగర్ సరిహద్దు చెక్ పోస్టు.. తెలంగాణ పరిధిలోకి వచ్చే ఈ చెక్ పోస్టు అవినీతికి కేరాఫ్ అడ్రస్‌గా మారిపోయింది.అసలే ఏపీ, తెలంగాణ సరిహద్దు చెక్ పోస్టు కావడంతో కాసులు కురుస్తున్నాయనే చెప్పాలి. అక్రమ సరుకులు, మద్యం, ఇతరత్రా జీరో దందాకు సంబంధించిన వాహనాలను ఒక్కో వాహనానికి రూ.3 - 5 వేలు వసూలు చేసి ఎంచక్కా వదిలేస్తున్న వైనం నాగార్జునసాగర్ సరిహద్దు చెక్ పోస్టులో నిత్యకృత్యంగా మారిపోయింది. నాగార్జునసాగర్ చెక్ పోస్ట్ వద్ద తనిఖీలు పూర్తిస్థాయిలో జరగకపోవడం వల్ల భారీగా మత్తు పదార్థాలు రవాణా జరుగుతుంది. నిజానికి అవి జీరో రవాణానో అనుకుని ముడుపులు తీసుకుని అధికారులు వాహనాలను చెక్ చేయకుండానే వదిలేస్తున్నారు. కానీ కొంతమంది అక్రమార్కులు వాటి మాటున మత్తు పదార్థాలను పెద్ద ఎత్తున రవాణా చేస్తుండటం గమనార్హం. ఇదే సమయంలో…