Telugu Online News Daily
https://siranews.in/
Date of Publish : 19 January 2024, 5:34 pmEditor : Sira News

శ్రీవారిని దర్శించుకున్న రాష్ట్ర ప్రభుత్వ ప్రధాన కార్యదర్శి డాక్ట‌ర్ కె.ఎస్‌.జ‌వ‌హ‌ర్‌రెడ్డి

సిరా న్యూస్,తిరుమల;
రాష్ట్ర ప్రభుత్వ ప్రధాన కార్యదర్శి డాక్ట‌ర్ కె.ఎస్‌.జ‌వ‌హ‌ర్‌రెడ్డి దంప‌తులు శుక్ర‌వారం ఉదయం తిరుమల శ్రీ వేంకటేశ్వరస్వామివారి అభిషేక‌ సేవలో పాల్గొని స్వామివారిని దర్శించుకున్నారు.స్వామివారి దర్శనానంతరం రంగనాయకుల మండపంలో వేద‌పండితులు వేదాశీర్వ‌చ‌నం అందించారు. అనంత‌రం శ్రీ‌వారి తీర్థ‌ప్ర‌సాదాలు, డైరీ, క్యాలెండ‌ర్‌ను జెఈవో వీర‌బ్ర‌హ్మం అంద‌జేశారు.ఈ కార్య‌క్ర‌మంలో డెప్యూటీ ఈవో హ‌రీంద్ర‌నాథ్‌, విజివో గిరిధ‌ర్‌రావు, రిసెప్ష‌న్ ఓఎస్‌డి రామ‌కృష్ణ త‌దిత‌రులు పాల్గొన్నారు.

తిరుచానూరు శ్రీ ప‌ద్మావ‌తి అమ్మ‌వారి ద‌ర్శ‌నం
తిరుమ‌ల శ్రీ‌వారి ద‌ర్శ‌నానంత‌రం తిరుచానూరులోని శ్రీపద్మావతి అమ్మవారిని రాష్ట్ర ప్రభుత్వ ప్రధాన కార్యదర్శి డాక్ట‌ర్ కె.ఎస్‌.జ‌వ‌హ‌ర్‌రెడ్డి దంప‌తులు దర్శించుకున్నారు. ద‌ర్శ‌నానంతరం వేదపండితులు వేదాశీర్వచనం చేశారు. శేషవస్త్రం, అమ్మవారి తీర్థప్రసాదాలు అందజేశారు.ఈ కార్యక్రమంలో ఆల‌య డెప్యూటీ ఈవో గోవింద‌రాజ‌న్‌, విజివో బాలిరెడ్డి, సూప‌రింటెండెంట్ శ్రీ‌వాణి తదితరులు పాల్గొన్నారు.

Copyright © 2026 SIRA NEWS. All rights reserved.