జగన్ ఇంట్లో ఫ్యామిలీ చిచ్చు

సిరా న్యూస్,కడప; శత్రువులు ఎక్కడో ఉండరు.. మన ఇంట్లోనే.. మన చుట్టూనే వైఫైలా ఉంటారు. కంటికి కనపడని శత్రువుతో బయటకు కనపడని యుద్ధం చేసినట్లుగా ఉంటుంది… వీరితో యుద్ధం చేయడం ఆంధ్రప్రదేశ్‌ ముఖ్యమంత్రి, వైసీపీ అధినేత వైఎస్‌ జగన్‌ కొంతకాలంగా ఇలాంటి పరిస్థితినే ఎదుర్కొంటున్నారు. ఏ కుటుంబంలోనైనా ఏదో ఒకస్థాయిలో విభేదాలు ఉండటం సహజమేనయినప్పటికీ, ఈ విభేదాలు ఒక స్థాయిని దాటి.. రోడ్డెక్కితేనే పెద్ద సమస్యగా మారుతుంది. బయటకు కక్కలేని, మింగలేని పరిస్థితి ఎదురవుతోంది. కొన్నాళ్లవరకు కంటికి కన్పించని రాజకీయ ప్రత్యర్థిగా ఉన్న వైఎస్‌ షర్మిల… ఇప్పుడు జగన్‌కు ఏకంగా కన్పించే ప్రధాన ప్రత్యర్థిగా మారుతున్నారు. ఈ సమస్య ఒక్కసారిగా వచ్చింది కాదు.తన బాబాయి వైఎస్‌ వివేకానందరెడ్డి హత్యపై ఆయన కుమార్తె సునీతారెడ్డి న్యాయపోరాటం మొదలుపెట్టినప్పుడు.. దాదాపు ఓ ఏడాది క్రితం జగన్‌కు పెద్ద సమస్య ఏర్పడింది.…