బెజవాడలో చిన్న- నాని మధ్య ఫైట్

సిరా న్యూస్,విజయవాడ; ఎన్టీఆర్ జిల్లా టీడీపీలో అన్నదమ్ముల మధ్య వర్గపోరు మరోసారి తీవ్రస్థాయిలో బహిర్గతమైంది. తిరువూరు టీడీపీ సమన్వయ భేటీ వేదికగా కేశినేని నాని- కేశినేని చిన్ని వర్గీయులు బాహాబాహీకి దిగారు. ఈ నెల 7న తిరువూరులో టీడీపీ అధినేత చంద్రబాబు పర్యటించనున్నారు. ఈ నేపథ్యంలో ఏర్పాట్లను స్థానిక నేతలతో కలిసి కేశినేని బ్రదర్స్‌ వేర్వేరుగానే పర్యవేక్షించడం వర్గపోరుకు దారి తీసింది. ఫలితంగా.. కొందరు నేతలు నాని వర్గంగా.. మరికొందరు చిన్ని వర్గంగా విడిపోయారు. ఈ క్రమంలో.. తిరువూరు టీడీపీ ఇన్‌చార్జ్ దేవదత్తు ఏర్పాటు చేసిన సమీక్షలో గందరగోళం ఏర్పడింది. టీడీపీ సమన్వయ భేటీ ఫ్లెక్సీలో కేశినేని నాని ఫొటో లేకపోవడంతో ఆయన వర్గీయులు ఆగ్రహానికి గురయ్యారు. ఆందోళన వ్యక్తం చేస్తూ.. చిన్ని ఫ్లెక్సీని చించేశారు. చిన్నిని లోపలికి అనుమతించొద్దంటూ నాని వర్గీయులు ఆందోళనకు దిగడంతో టీడీపీ…