Telugu Online News Daily
https://siranews.in/
Date of Publish : 30 January 2024, 12:20 pmEditor : Sira News

Konaraopeta: కోనరావుపేట మండలంలో ఈజీఎస్ సామాజిక తనిఖీ

కోనరావుపేట, సిరా న్యూస్ 

కరీంనగర్ జిల్లా కోనరావుపేట మండల పరిషత్ కార్యాలయంలో ఏర్పాటు చేసిన మహాత్మా గాంధీ ఉపాధి హామీ పథకం 14వ విడత సామాజిక తనిఖీ కార్యక్రమంలో పాల్గొన్న జిల్లా ప్రజా పరిషత్ చైర్ పర్సన్  న్యాలకొండ అరుణ రాఘవ రెడ్డి ఈ సందర్భంగా  మాట్లాడుతూ కార్యదర్శులు ఉపాధి హామీ పథకంలో చేపట్టిన పనులు సక్రమంగా చేయాలన్నారు.  మేట్లు, టెక్నికల్ అసిస్టెంట్లు కొలతలు సరిగ్గా నమోదు చేయాలన్నారు. ఎలాంటి పొరపాట్లు లేకుండా మస్టర్లలలో కూలీల సంతకాలు తీసుకోవాలన్నారు. ఒకరికి బదులుగా మరొకరు రాకుండా జాబ్ కార్డు ఉన్న వారే పనులకు హాజరవాలని సూచించారు. కూలీలు కూడా పని సమయాన్ని కనీసం 5 – 6 గంటలకు పని చేయాలన్నారు. మనం చేపట్టే పనులు నాణ్యతగా ఉండాలని అన్నారు. పనులను జాగ్రత్తగా చేపిస్తే, తనిఖీ లో ఎలాంటి ఇబ్బందులు రావన్నారు. కార్యక్రమంలో అడిషనల్ డిఆర్డీవో మదన్ మోహన్, ఎంపీడీవో రామ కృష్ణ, స్టేట్ రిసోర్స్ పర్సన్స్, సర్పంచులు పోకల రేఖ సంతోష్, కోక్కుల భారత నర్సయ్య, అనుపాటి భారతి బాపురెడ్డి, రాములు నాయక్, ఎంపీటీసీ నరసింహ చారి, కార్యదర్శులు, మేట్లు తదితరులున్నారు.

Copyright © 2026 SIRA NEWS. All rights reserved.