https://siranews.in/
MLA Payal: కంఠ రామాలయంలో ఎమ్మెల్యే పాయల్ శంకర్ ప్రత్యేక పూజలు
సిరా న్యూస్, జైనథ్:
కంఠ రామాలయంలో ఎమ్మెల్యే పాయల్ శంకర్ ప్రత్యేక పూజలు
ఆదిలాబాద్ జిల్లా జైనథ్ మండలంలోని కంఠ రామాలయంలో ఎమ్మెల్యే పాయల్ శంకర్ ఆదివారం ప్రత్యేక పూజలు నిర్వహించారు. రామాలయంలో నూతన విగ్రహ ప్రతిష్టపణ కార్యక్రమానికి ఈ సందర్భంగా ఆయన ముఖ్యఅతిథిగా హాజరయ్యారు. అనంతరం గ్రామస్తులు, స్థానిక నాయకులతో కలిసి విగ్రహ ప్రతిష్టాపన కార్యక్రమంలో పాల్గొన్నారు. అనంతరం ఆయన మాట్లాడుతూ… గ్రామస్తులంతా కలిసికట్టుగా చందాలు పోగు చేసి ఆలయాన్ని నిర్మించుకోవడం సంతోషంగా ఉందన్నారు. ఆధ్యాత్మికతతోనే మానసిక ప్రశాంతత సాధ్యమని, గ్రామస్తులంతా ఆధ్యాత్మిక మార్గంలో పయనించడం శుభ పరిణామం అని ఆయన అన్నారు. రానున్న రోజుల్లో ఆలయ అభివృద్ధి కోసం తన వంతుగా పూర్తి సహకారం అందిస్తానని ఆయన అన్నారు. ఈ సందర్భంగా ఆలయ కమిటీ, సభ్యులు గ్రామస్తులు, ఎమ్మెల్యే పాయల్ శంకర్ ను శాలువాతో ఘనంగా సన్మానించి, స్వామివారి ప్రతిమను బహుకరించారు. కార్యక్రమంలో నాయకులు అశోక్, రాజన్న, అశోక్ రెడ్డి, భూమన్న, రాజు, నవీన్, తదితరులు పాల్గొన్నారు.
