MLA Payal Shankar: భారతదేశ ఖ్యాతిని ప్రపంచానికి చాటిన మహనీయుడు…

సిరా న్యూస్, ఆదిలాబాద్:

భారతదేశ ఖ్యాతిని ప్రపంచానికి చాటిన మహనీయుడు వివేకానందుడు…

– ఎమ్మెల్యే పాయల శంకర్

భారతదేశ ఖ్యాతి, సాంస్కృతి సాంప్రదాయాలను యావత్ ప్రపంచానికి చాటిచెప్పిన మహనీయుడు వివేకానందుడని, ఆదిలాబాద్ ఎమ్మెల్యే పాయల్ శంకర్ అన్నారు. శుక్రవారం ఆదిలాబాద్ జిల్లా కేంద్రంలోని వివేకానంద చౌరస్తాలో యువజన సంఘాల ఆధ్వర్యంలో నిర్వహించిన స్వామి వివేకానంద జయంతి ఉత్సవాలకు ఆయన ముఖ్య అతిథిగా హాజరయ్యారు. ఈ సందర్భంగా పలువురు నాయకులు, యువజన సంఘాల సభ్యులతో కలిసి వివేకానంద విగ్రహానికి పూలమాలలు వేసి ఘన నివాళులు అర్పించారు. ఆనంతరం ఎమ్మెల్యే మాట్లాడుతూ… వివేకానందుడు దేశ సంస్కృతి, సంప్రదాయాలను ప్రపంచానికి చాటిచెప్పి సమాజాన్ని జాగృతం చేశారని అన్నారు. ప్రతీ ఒక్కరు వివేకానందుని జీవితాన్ని ఆదర్శంగా తీసుకొని, ఆయన చూపిన బాటలో నడవాలని అన్నారు. యువత చెడు వ్యసనాలను వదిలి, సన్మార్గం లో నడవాలని సూచించారు. అనంతరం జిల్లా కేంద్రంలోని రిమ్స్ ఆడిటోరియంలో నెహ్రూయువజన కేంద్రం ఆధ్వర్యంలో నిర్వహించిన వివేకానందుని జయంతి ఉత్సవాల్లో పాల్గొని, నివాళులర్పించారు.