MLA Payal Shankar : గుర్రంపై ఎమ్మెల్యే పాయల్ సవారీ…

బేల, సిరాన్యూస్:

గుర్రంపై ఎమ్మెల్యే పాయల్ సవారీ…

ఎమ్మెల్యేను గుర్రంపై కూర్చోబెట్టి స్వాగతం పలికిన గ్రామస్తులు

ఆదిలాబాద్ జిల్లా బేల మండలం లోని  ఖొగ్ధూర్ గ్రామంలో ఆదిలాబాద్ నియోజకవర్గ ఎమ్మెల్యే పాయల్ శంకర్ కు గ్రామస్తూ ఘన స్వాగతం పలికారు. ఎమ్మెల్యేగా గెలుపొందిన తరువాత మొదటిసారిగా తమ గ్రామానికి వచ్చిన ఆయనకు డప్పు వాయిద్యాలు, మంగళహరతులతో తమ గ్రామంలోకి ఆహ్వానించారు. ఎమ్మెల్యేను గుర్రం ఎక్కించి గ్రామ వీధుల గుండా విజయోత్సవ ర్యాలీ నిర్వహించారు.పెద్ద ఎత్తున గ్రామస్తులు ఎమ్మెల్యే పై పూల వర్షం కురిపిస్తూ ఘనంగా స్వాగతం పలికారు. అనంతరం ఏర్పాటు చేసిన సమావేశంలో ఎమ్మెల్యే మాట్లాడుతూ… కష్టకాలంలో సైతం తన వెంట నడిచిన కార్యకర్తలు, నాయకులు, గ్రామస్తులకు ఎల్లప్పుడూ గ్రామస్తులకు రుణపడి ఉంటానన్నారు. తనపై నమ్మకం ఉంచి ఓట్లు వేసి గెలిపించినందుకు కృతజ్ఞతలు తెలిపారు. గ్రామాన్ని అన్ని విధాలుగా అభివృద్ధి చేస్తానని హామీ ఇచ్చారు. కార్యక్రమంలో బీజేపీ మండల అధ్యక్షుడు దత్తా నిక్కం, రాష్ట్ర కార్యవర్గ సభ్యుడు మురళీధర్ ఠాక్రే, అసెంబ్లీ కన్వీనర్ విజయ్ బోయర్, జడ్పీటీసీ బ్రహ్మానందం, సర్పంచ్ రాకేష్, నాయకులు నవీన్ పోత్ రాజ్, మోరేశ్వర్, గణేష్, ప్రమోద్ రెడ్డి, జీవన్, సందీప్, సంజయ్, గ్రామస్తులు  పాల్గొన్నారు.