Telugu Online News Daily
https://siranews.in/
Date of Publish : 9 February 2024, 6:34 pmEditor : Sira News

Model Schools: మోడల్ స్కూల్లో ప్రవేశాలకు ప్రవేశ పరీక్ష

బోథ్, సిరా న్యూస్ 

తెలంగాణ రాష్టం లోని ఆదర్శ పాఠశాలల్లో ప్రవేశం కోసం జనవరి 12వ తేదీన ఒక ప్రకటన జారీ చేశారు.  శుక్రవారం అధికారులు మరోమారు పత్రికలకు విడుదల చేశారు. ఆన్ లైన్లో  దరఖాస్తులు ఫిబ్రవరి 22 వ తేది వరకు అందజేయొచ్చని తెలిపారు. ఏప్రిల్ ఒకటవ తేది రోజు హాల్ టికెట్లు అన్ని తరగతులు  6 నుంచి 10వ తరగతి వరకు డౌన్లోడ్ చేసుకోవచ్చన్నారు. 6వ తరగతిలో 100 సీట్లు ఖాళీలు ఉండగా మిగతా తరగతులలో ఖాళీలను బట్టి సీట్లు కేటాయించనున్నారు. పరీక్షలు ఏప్రిల్ 7న ఉంటుందని, 6వ తరగతి వారికి ఉదయం 9 గంటల నుంచి 12 గంటల వరకు, 7 నుంచి 10వ తరగతులకు పగలు 2 నుంచి 4 గంటల వరకు వారికి కేటాయించారు. ఆయా కేంద్రాలలో పరీక్షలు ఉంటాయన్నారు. పరీక్ష రుసుము బీసీ, ఎస్సీ, ఎస్టీ, పీహెచ్ సీ & ఈ డబ్ల్యూ ఎస్ వారికి రూ. 125లు, ఓసీ అయితే రూ. 200 చెల్లించాలి. ఆన్ లైన్లో  దరఖాస్తు చేయవచ్చన్నారు. విద్యార్థి పాస్ ఫొటో, ఆధార్ కార్డు, బోనాఫైడ్ సర్టిఫికెట్ జతపర్చాలి. ఆన్ లైన్ దరఖాస్తు కు అధికారిక వెబ్ సైట్  http:/telanganams.cgg.gov.in లో నమోదు చేసుకోవాలి. 6 వ తరగతిలో ప్రవేశ పొందడానికి 5వ తరగతి లోని పాఠ్యాంశాల మీద మల్టీపుల్ ఛాయిస్ లో ప్రశ్నలు ఉంటాయని పేర్కొన్నారు. ఇక 7-నుంచి 10 వ తరగతులకు పూర్వ తరగతిలోని పాఠ్యాంశాలమీద ప్రశ్నలు ఉంటాయి. గణితం, తెలుగు, ఆంగ్లంలకు 25 చొప్పున మార్కులు, సోషల్ &సైన్స్ లకు 25 మార్కుల చొప్పున 100 మార్కులకు ప్రశ్నలు ఉంటాయి.

Copyright © 2026 SIRA NEWS. All rights reserved.