పార్లమెంటు ఎన్నికల్లో గెలిచేందుకు నానా తంటాలు

సిరా న్యూస్,హైదరాబాద్; బీఆర్ఎస్ అధినేత కేసీఆర్ తెలంగాణకు తాను శాశ్వత ముఖ్యమంత్రినిని భావించారు. అదే ఆయన పార్టీని కొంపముంచింది. ఉద్యమాలంటేనే ఆయనకు పడేది కాదు. ఉద్యమకారులను దూరంగా పెట్టారు. ఆందోళనలు చేస్తే అణగదొక్కేంత వరకూ ప్రగతి భవన్ లో నిద్రపోరన్న నిజాన్ని అందరూ ఒప్పుకునేదే. అలాంటి కేసీఆర్ ఇప్పుడు ప్రజా ఉద్యమాలు కావాలని అడగడం విడ్డూరంగా ఉందంటున్నారు. ప్రజలు చైతన్యవంతులై ప్రభుత్వానికి వ్యతిరేకంగా రోడ్డు మీదకు వస్తేనే సమస్యలు పరిష్కారం అవుతాయని చెప్పడంతో రాజకీయ నేతలు నవ్వు ఆపుకోలేకపోతున్నారు. ఓటమి తర్వాత ఆయన ప్రజల్లోకి వచ్చి ఉద్యమాలు చేయాలని, నడిరోడ్డు మీద నిలదీస్తానని చెప్పడం మరింత ఆశ్చర్యాన్ని కలిగించేలా అనిపించింది. ఉస్మానియా విద్యార్థులను యూనివర్సిటీ గడప దాటినీయంది ఎవరి హయాంలో? ఆర్టీసీ కార్మికులు తమ డిమాండ్ల సాధన కోసం సమ్మె బాట పడితే ఉక్కుపాదంతో అణిచి వేసింది…