
నాని… అవమానకర రీతిలో నిష్క్రమణ
సిరా న్యూస్,విజయవాడ; రాజకీయాల్లో హత్యలు ఉండవు. ఆత్మహత్యలే ఉంటాయంటారు. ఇది నిజమే. చాలామందిరాజకీయంగా అంచనాలు వేయడంలో తప్పటడుగులు వేస్తారు. తప్పిదాలకు పాల్పడతారు. మూల్యం చెల్లించుకుంటారు. ఇప్పుడు అటువంటి మూల్యం చెల్లించుకున్నారు విజయవాడ మాజీ ఎంపీ కేశినేని నాని. 2009లో ప్రజారాజ్యం పార్టీ ద్వారా పొలిటికల్ ఎంట్రీ ఇచ్చారు నాని. తరువాత తెలుగుదేశం పార్టీలో చేరి మంచి ప్రాధాన్యత దక్కించుకున్నారు.2014, 2019 ఎన్నికల్లో టిడిపి ద్వారా ఎంపీగా ఎన్నికయ్యారు. గత ఎన్నికల్లో జగన్ ప్రభంజనంలో గెలిచారు. అదంతా తన బలమేనని భ్రమించారు. ఎన్నికలకు ముందు వైసీపీలో చేరి భారీ మూల్యం చెల్లించుకున్నారు. ఎప్పుడు రాజకీయ అవకాశాలు మూసుకుపోవడంతో.. అవమానకర రీతిలో రాజకీయాల నుంచి నిష్క్రమించారు.అయితే రాజకీయాలను కేశినేని నాని అంచనా వేయలేకపోయారు. గత ఎన్నికల్లో గెలిచిన తర్వాత స్వరం మార్చుకున్నారు. పార్టీ అధినేత చంద్రబాబుపై విధేయత కనబరుస్తూనే పార్టీని…
