Telugu Online News Daily
https://siranews.in/
Date of Publish : 12 March 2024, 2:39 pmEditor : Sira News

పతంగ్, చేయి చెట్టా పట్టాల్…

సిరా న్యూస్,హైదరాబాద్,
పార్లమెంట్ ఎన్నికల నేపథ్యంలో పాతబస్తీ రాజకీయలు రసవత్తరంగా మారుతున్నాయి. సరికొత్త ఎత్తులు, పై ఎత్తులతో పార్టీలు వ్యూహాలు రచిస్తున్నారు. కాంగ్రెస్ పార్టీకి మజ్లిస్ దగ్గర అవుతుందా? అంటే అవుననే అంటున్నాయి తాజా రాజకీయ పరిణామాలు. ఇటీవలే పాతబస్తీలో మెట్రో రైలు పనుల శంకుస్థాపన సందర్భంగా ముఖ్యమంత్రి రేవంత్ రెడ్డి, ఎంపీ అసదుద్దీన్ ఒవైసీ చేసిన వ్యాఖ్యలు రాజకీయ వర్గాల్లో తీవ్ర దుమారాన్ని రేపుతున్నాయి. హైదరాబాద్ లోక్ సభ నుంచి ఓటమి ఎరుగని మజ్లిస్ పార్టీ ఈసారి కూడా నూటికి నూరు శాతం తమదే విజయం అని ధీమాతో ఉన్నా…..ఇటు బీజేపీని అటు ఎంబీటీ పార్టీలను ఎదురుకునేందుకు ఒవైసీ కొత్త ఎత్తుగడలను మారుస్తున్నారు.విరించి హాస్పిటల్స్ ఛైర్మెన్ మాధవి లతకు బీజేపీ అధిష్టానం హైదరాబాద్ టికెట్ ఇవ్వడంతో మజ్లిస్ పార్టీ అప్రమత్తమైంది. దీనికి పాతబస్తీ ఫలాక్ నామాలో సీఎం శంకుస్థాపన వేదికపై చేసిన వ్యాఖ్యలే నిదర్శనమని రాజకీయ పరిశీలకులు అభిప్రయపడుతున్నారు. కాంగ్రెస్ పార్టీతో గత కొన్నాళ్లుగా ఎడమొహం పెడమొహంగా ఉన్న మజ్లిస్ పార్టీ దోస్తానా కోసం తన స్వరం మార్చినట్టు స్పష్టంగా కనిపిస్తుంది. ఫలక్ నామాలోని బహిరంగసభలో అసదుద్దీన్ ఒవైసీ మాట్లాడుతూ……. ” సీఎం రేవంత్ రెడ్డి మొండి వాడు ఆయన మొండి తనమే ఆయన్ని ఈరోజు ఈ స్థాయికి తీసుకొచ్చింది. నేను నా పార్టీ వాళ్లు తల తిక్కొల్లం అయినప్పటికీ మరో ఐదేళ్ల పాటు కాంగ్రెస్ ప్రభుత్వాన్ని హాయిగా నడిపేందుకు మేము పూర్తిగా సహకరిస్తాం” అంటూ అసదుద్దీన్వ్యాఖ్యానించారు. ఇటు ముఖ్యమంత్రి రేవంత్ రెడ్డి మాట్లాడుతూ…..మజ్లిస్ పార్టీని ఓడించేందుకు చాలా ప్రయత్నాలే చేశాం కానీ వీలు కాలేదు. ఎన్నికల్లో మాత్రమే రాజకీయాలు ఆ తరువాత అభివృద్ధి పైనే మా దృష్టి అంతా ” అని ఆయన తెలిపారు.ఒకవేళ ఎంఐఎం కాంగ్రెస్ పార్టీకి దగ్గర అయితే హైదరాబాద్ పార్లమెంటరీస్థానానికి కాంగ్రెస్ పార్టీ తరఫున డమ్మీ అభ్యర్థిని ఎన్నికల బరిలో దించి పావులు కదుపుతుందా? ఒకవేళ అదే నిజమైతే మరి బీఆర్ఎస్ పార్టీ పరిస్థితి ఏమిటి అని చర్చ పాత బస్తీ రాజకీయాల్లో జోరుగా జరుగుతుంది. బీఆర్ఎస్ తో కూడా దోస్తానా కొనసాగించి హైదరాబాద్ వరకు తమకు అనుకూలంగా ఉండే అభ్యర్థిని ఎన్నికల బరిలో దింపి గులాబీ పార్టీ సహకరిస్తుందా? అనేది ఆసక్తికరంగా మారింది. బీఆర్ఎస్ నుంచి డమ్మీ అభ్యర్థులు ఎన్నికల బరిలో దిగితే తమకు ఎలాంటి ఇబ్బందులు ఉండవని మజ్లీస్ పార్టీ భావిస్తుంది.మరోవైపు హైదరాబాద్ పార్లమెంటరీ స్థానం నుంచి బరిలో నిలిచేందుకు ప్రయత్నిస్తున్న మజ్లీస్ బచావో పార్టీ, కాంగ్రెస్ పార్టీ నుంచి తమకు పూర్తిస్థాయిలో మద్దతు లభిస్తుందని గంపెడు ఆశలతో ఉంది. ఇటీవల జరిగిన అసెంబ్లీ ఎన్నికల్లో యకుత్ పురా నియోజకవర్గ నుంచి కేవలం 878 ఓట్ల తేడాతో పరాజయం పాలైనా…..threeethree మజ్లీస్ పార్టీకి మాత్రం చుక్కలు చూపించిన ఆ పార్టీ అధికార ప్రతినిధి అంజధులా ఖాన్ సైతం హైదరాబాద్ పార్లమెంటు స్థానంపై కన్నేశారు. ఇప్పటి నుంచే స్థానిక ప్రజా సమస్యలను తెలుసుకొని ప్రజలకు దగ్గరవుతున్నారు. అటు ఎంబీటీతో పాటు ఇటు బీజేపీ అభ్యర్థిని ఎన్నికల బరిలో ఎదుర్కోవాలంటే కాంగ్రెస్ పార్టీకి దగ్గర అవ్వడమే రాజకీయంగా కలిసి వస్తుంది అని భావించిన మజ్లిస్ పార్టీ ఆ దిశగా అడుగులు ముందుకు వేస్తూ వ్యూహాలు రచిస్తోంది.

Copyright © 2026 SIRA NEWS. All rights reserved.