
ప్రశ్నార్ధకంగా ఆలయాల భద్రత
సిరా న్యూస్,కరీంనగర్; ఉమ్మడి కరీంనగర్ జిల్లాలో ప్రముఖ పుణ్యక్షేత్రాల్లోని ఆలయాల భద్రత ప్రశ్నార్థకంగా మారుతుంది. భక్తుల్లో అభద్రత భావం ఏర్పడుతుంది. అరకొర భద్రత సిబ్బంది ఉన్నప్పటికి మొక్కుబడి డ్యూటీలు చేస్తు ప్రైవేట్ వ్యక్తులచే భద్రతను పర్యవేక్షించాల్సిన దుస్థితి ఏర్పడుతుంది. తద్వారా ఆలయాల భద్రత గాలిలో దీపంలా మారుతుంది.ఉమ్మడి కరీంనగర్ జిల్లాలో వేములవాడ, కొండగట్టు, ధర్మపురి, కాళేశ్వరంలో ప్రముఖ ఆలయాలు ఉన్నాయి. దక్షిణ కాశీగా పేరొందిన వేములవాడ రాజన్న క్షేత్రం, కొండగట్టుకు ఎస్పీఎఫ్ భద్రత తూతూ మంత్రంగానే ఉండడం గమనార్హం. వేములవాడకు నిత్యం భక్తుల రద్దీ ఉంటుంది.సాధారణ రోజుల్లో 10 వేలమంది, ఆది, సోమవారాల్లో 25వేలు, ఉత్సవాల సమయం లో సుమారు రెండు లక్షల మంది స్వామివారిని దర్శించుకుంటారు. భక్తుల రద్దీతో ఉండే వేములవాడ రాజన్న ఆలయంలో భద్రత ప్రశ్నార్థకంగా మారింది. రాజన్న దర్శనానికి వచ్చే భక్తులను క్షుణ్ణంగా…
