విద్యాశాఖకు సరైన వ్యక్తి మంత్రిగా వచ్చాడని భావిస్తున్నాం!

మా బిడ్డల భవిష్యత్తు కాపాడారంటూ తల్లిదండ్రుల భావోద్వేగం మంత్రి లోకేష్ కు ఆనందభాష్పాలతో విద్యార్థుల కృతజ్ఞతలు సిరా న్యూస్,అమరావతి; జాతీయస్థాయి విద్యాసంస్థల్లో సీట్లు సాధించిన ప్రతిభావంతులైన దివ్యాంగ విద్యార్థులను మంత్రి లోకేష్ ఉండవల్లి నివాసంలో అభినందించారు. విద్యార్థినీ,విద్యార్థులు, వారి తల్లిదండ్రులను పేరుపేరునా పలకరించి వారి మనోభావాలను తెలుసుకున్నారు. మీరుచేసిన సాయానికి జీవితంలో రుణం తీర్చుకోలేమంటూ విద్యార్థులు ఆనంద భాష్పాలతో కృతజ్ఞతలు తెలిపారు. ఈ సందర్భంగా లోకేష్ మాట్లాడుతూ.... మీకు అవకాశం వచ్చినపుడు మరో 10మందికి సాయం చేయాలని సూచించారు. ఎస్ఎంఎస్ ద్వారా లోకేష్ కు సమాచారం అందించిన పృధ్వీ సత్యదేవ్ తండ్రి జయరామ్ మాట్లాడుతూ... మంగళగిరిలో ప్రజాదర్బార్ జరుగుతుందని తెలుసుకుని మా సమస్య తెలియజేసేందుకు మీవద్దకు వద్దామని అనుకున్నా. విద్యార్థుల సమస్యపై లోకేష్ గారిని కలవాల్సిన పనిలేదు, ఎస్ఎంఎస్ చేస్తే చాలని స్నేహితులు చెప్పారు.మెసేజ్ చేసిన అర్థగంటలో…