రహదారులకోసం రాస్తారోకో

 సిరా న్యూస్,ఆదిలాబాద్;
ఆదిలాబాద్ పట్టణ పరిధిలోని టేలర్స్ కాలనీలో రహదారులు తీవ్రంగా దెబ్బ తిన్నాయని, వెంటనే నూతన రహదారిని నిర్మించాలని డిమాండ్ చేస్తూ… కాలనీ వాసులు ఆందోళన చేపట్టారు. దీర్ఘకాలికంగా తాము ఎదుర్కొంటున్న సమస్యను వెంటనే పరిష్కరించాలని డిమాండ్ చేస్తూ ధర్నా నిర్వహించారు. రహదారిపై బైఠాయించి నిరసన నినాదాలు చేశారు. బట్టి సావర్గామ్ నుండి తమ వార్డును పట్టణంలో విలీనం చేసిన తర్వాత అభివృద్ధి జరగడం లేదని స్థానికులు ఆవుల శరత్ ఆవేదన వ్యక్తం చేశారు. వర్షాకాలంలో రహదారిపై భారీ గుంతలు పడుతుండడంతో తీవ్ర ఇబ్బంది ఎదుర్కొంటున్నామని వాపోయారు. వెంటనే అధికారులు స్పందించి తమ సమస్యకు పరిష్కారం చూపాలని డిమాండ్ చేశారు.