Telugu Online News Daily
https://siranews.in/
Date of Publish : 4 July 2024, 7:47 pmEditor : SIRA NEWS

SI Ashok Reddy: నేరాల నియంత్రణకే కమ్యూనిటీ కాంటాక్ట్ కార్యక్రమం: ఎస్సై అశోక్ రెడ్డి

సిరా న్యూస్, ఓదెల
నేరాల నియంత్రణకే కమ్యూనిటీ కాంటాక్ట్ కార్యక్రమం: ఎస్సై అశోక్ రెడ్డి

నేరాల నియంత్రణకే కమ్యూనిటీ కాంటాక్ట్ కార్యక్రమం నిర్వ‌హిస్తున్న‌ట్లు ఎస్సై అశోక్ రెడ్డి తెలిపారు. గురువారం ఓదెల
మండలం పొత్కపల్లి గ్రామంలో పెద్దపల్లి డీసీపీ, పెద్దపల్లి ఏసిపి కృష్ణ, సుల్తానాబాద్ సీఐ సుబ్బారెడ్డి పర్యవేక్షణలో ఎస్సై అశోక్ రెడ్డి కమ్యూనిటీ కాంటాక్ట్ కార్యక్రమం నిర్వహించారు. ఈ సందర్భంగా మాట్లాడుతూ నేరాల నిర్మూలన కోసమే కమ్యూనిటీ కాంటాక్ట్ ప్రోగ్రాం నిర్వహిస్తున్నట్లు తెలిపారు. చట్ట వ్యతిరేక కార్యకలాపాలకు పాల్పడ కూడదని, యువత చెడు అలవాట్లకు గంజాయి, మద్యం, డ్రగ్స్ లకు బానిసగా మారి జీవితాలను నాశనం చేసుకోవద్దని సూచించారు. కాలనీ లో ఎలాంటి సమస్యలున్నా తమ దృష్టికి తీసుకరావాలని లేదా సమస్యలుంటే 100 నంబర్ కి కాల్ చేయాలని సూచించారు. సైబర్ నేరాలు, మోసగాళ్ల ఫోన్ కాల్స్, మెసెజ్, వాట్సాప్ కాల్స్ లకు స్పందించవద్దని సూచించారు. ప్రతి ఒక్కరూ రోడ్డు భద్రతా నియమాలను పాటించాలని, చట్టవ్యతిరేక కార్యకలాపాలకు పాల్పడితే చర్యలు తప్పవన్నారు. వాహనాలు నడిపేటప్పుడు తప్పకుండా హెల్మెట్ ధరించాలి అని సూచించారు. డ్రైవింగ్ లైసెన్స్ అందరు కలిగి ఉండాలి అన్నారు. కార్య‌క్ర‌మంలో పోలీస్ సిబ్బంది గ్రామ ప్రజలు పాల్గొన్నారు.

Copyright © 2026 SIRA NEWS. All rights reserved.