
భూ దందాలపై సిట్…
సిరా న్యూస్,హైదరాబాద్; పదేళ్లు అధికారాన్ని అడ్డుపెట్టుకుని కరీంనగర్లో అడ్డూ అదుపు లేకుండా అక్రమాలు, భూకబ్జాలకు పాల్పడిన బీఆర్ఎస్ నేతలపై పోలీసులు కొరడా ఝళిపిస్తున్నారు. ఖద్దరు నేతల చిట్టా విప్పుతున్నారు. కటకటాల వెనుకకు పంపిస్తున్నారు. అక్రమార్కుల భరతం పట్టేందుకు కరీంనగర్ సీపీ అభిషేక్ మహంతి ప్రత్యేకంగా సిట్ ఏర్పాటు చేశారు. సిట్ చేపట్టిన ఆపరేషన్లో ఇద్దరు నేతల భూకబ్జాల వ్యవహారం బయటకు వచ్చింది. వారిని పోలీసులు అరెస్ట్ చేశారు. దీంతో గులాబీ నేతల్లో అలజడి మొదలైంది.సింగరేణి రిటైర్డ్ ఉద్యోగి కొత్త రాజిరెడ్డికి చెందిన భూమి విషయంలో బీఆర్ఎస్ నాయకులు చీటి రామారావుతోపాటు కొంతమంది నాయకులు జోక్యం చేసుకుని మూడేళ్లుగా ముప్పు తిప్పలు పెడుతున్నారు. మూడేళ్లుగా తన భూమి తనకు దక్కకుండా చేస్తున్న నేతలపై రాజిరెడ్డి ఎక్కని మెట్టు లేదు.. తొక్కని గడప లేదు. అయితే నాడు బీఆర్ఎస్ అధికారంలో…
