
కలకలం రేపుతున్న ఈటెల కామెంట్స్
సిరా న్యూస్,కరీంనగర్; ఈటల రాజేందర్ తెలంగాణ రాజకీయాలకు పరిచయం అక్కరలేని పేరు. తెలంగాణ ఉద్యమ పార్టీ బీఆర్ఎస్(టీఆర్ఎస్)లో రాజకీయాల్లోకి వచ్చిన నేత. పార్టీ ఆవిర్భావం నుంచి దాదాపు రెండు దశాబ్దాలపాటు అందులో కొనసాగారు. అంచలంచెలుగా ఎదిగి నంబర్ 2 స్థానానికి చేరుకున్నారు. కానీ, నంబర్ 2 స్థానంలో ఎవరున్నా తొక్కిపడేయడం కేసీఆర్కు అలవాటు. గతంలో ఆలె నరేంద్ర, విజయశాంతిని కూడా అలాగే చేశారు. రెండున్నరేళ్ల క్రితం ఈటల రాజేందర్ విషయంలో అదే చేశాడు. మంత్రివర్గం నుంచి బర్తరఫ్ చేయడమే కాకుండా, పార్టీ నుంచి వెళ్లిపోయేలా చేశాడు. భూ కబ్జాల ఆరోపణలతో కేసులు పెట్టించారు. దీంతో ఈటల రాజేందర్ బీఆర్ఎస్తో 20 ఏళ్ల అనుబంధాన్ని తెంచుకున్నారు. ఎమ్మెల్యే పదవికి కూడా రాజీనామా చేసి ఉప ఎన్నికలకు వెళ్లారు. ఆ సమయంలో కాంగ్రెస్, బీజేపీ రెండింటి నుంచి అవకాశం వచ్చినా..…
