
ముందే ముక్కలవుతున్న ఇండియా కూటమి
సిరా న్యూస్; కేంద్రంలో అధికారంలో ఉన్న ఎన్డీఏ కూటమి ఈసారి ఎలాగైనా గద్దె దింపాలన్న ఏకైక లక్ష్యంతో ఏర్పడిన ఇండియా కూటమి.. ఎన్నికలు రాకముందే ముక్కలుగా విడిపోతోంది. ఇప్పటికే ఆప్, తృణముల్ కాంగ్రెస్ పార్టీలు ఇండియా కూటమి నుంచి బయటికి రాగా.. తాజాగా ఆ జాబితాలో జేడీయూ కూడా చేరింది. బిహార్లో అధికారంలో ఉన్న ఆర్జేడీ, జేడీయూ కూటమిలో తాజాగా నెలకొన్న పరిణామాలు.. అటు బిహార్ రాజకీయాలనే కాకుండా దేశ రాజకీయాలపైనా ప్రభావం చూపుతున్నాయి. జాతీయ రాజకీయాలలో భారతీయ జనతా పార్టీని ఓడించడం, కేంద్రంలో మోడీ లేని ప్రభుత్వాన్ని ఏర్పాటు చేయడం అనే సింగిల్ పాయింట్ ఎజెండాతో రూపుదిద్దుకున్న ఇండియా కూటమి కి ఆదిలోనే హంసపాదు ఎదురవుతోంది.ఎన్నికల నోటిఫికేషన్ ఇంకా వెలువడనే లేదు. సీట్ల సర్దుబాటుకు సంబంధించిన ప్రాథమిక చర్చలు కూడా జరగలేదు. ఆ రకంగా వ్యవహారాలు…
