
గంటా ఎన్నికపై ఇంకా సందిగ్ధత
సిరా న్యూస్,విశాఖపట్టణం; మాజీ మంత్రి గంటా శ్రీనివాసరావు పోటీపై ఇంకా సందిగ్ధత కొనసాగుతోంది. భీమిలి నుంచి పోటీ చేసేందుకు గంటా ఉవ్విళూరుతుంటే.. చంద్రబాబు మాత్రం గంటాను చీపురుపల్లికే పంపించాలని భావిస్తున్నారు. రెండు రోజులు కిందట తెలుగుదేశం పార్టీ అధినేత చంద్రబాబును కలిసిన గంటాకు మరోసారి ఇదే విషయాన్ని స్పష్టం చేశారు. దీంతో గంటా కూడా అక్కడి పరిస్థితులపై సమాచారాన్ని తెప్పించుకునే పనిలో పడినట్టు తెలుస్తోంది. ఉత్తరాంధ్ర ప్రాంతంలో వైసీపీలో సీనియర్ నేతగా, విజయనగరం జిల్లా రాజకీయాల్లో కీలకంగా వ్యవహరిస్తున్న బొత్స సత్యనారాయణ చీపురుపల్లి నుంచి పోటీ చేస్తున్నారు. రానున్న ఎన్నికల్లో బొత్సను ఓడించాలంటే బలమైన అభ్యర్థిని బరిలోకి దించాలని చంద్రబాబు భావిస్తున్నారు. ప్రస్తుతం తెలుగుదేశం పార్టీ ఇన్చార్జ్గా కిమిడి నాగార్జున ఉన్నారు. యువకుడైన నాగార్జున జోరుగా జనాల్లోకి వెళుతున్నారు. కానీ, ఆర్థిక, అంగ బలం కలిగిన బొత్సను…
