ఆశల పల్లకీలో వర్మ….

సిరా న్యూస్,కాకినాడ; పిఠాపురం ఎమ్మెల్యే తాలూకా… ఎన్నికల తర్వాత ఈ డైలాగ్‌ ఎంతో ఫేమస్‌ అయింది కదా… మరి ఆ పిఠాపురం గెలిపించిన నాయకుడు ఎంత ఫేమస్‌ అయివుండాలి. జనసేనాని పవన్‌కల్యాణ్‌ గెలుపు బాధ్యతలను తన భుజాన వేసుకుని పనిచేసిన నాయకుడే SVSN వర్మ. పిఠాపురం మాజీ ఎమ్మెల్యే. తెలుగుదేశం పార్టీకి చెందిన వర్మ అసెంబ్లీ ఎన్నికల్లో పిఠాపురం నుంచి పోటీ చేయాలని అనుకున్నారు. 2019 ఎన్నికల్లో ఓటమిని తట్టుకుని ఐదేళ్లుగా నియోజకవర్గాన్ని, కార్యకర్తలను కనిపెట్టుకుని పనిచేశారు. టీడీపీ ఈజీగా గెలుస్తుందనుకున్న సీటు పిఠాపురం. కానీ, జనసేనాని పవన్‌కల్యాణ్‌ నిర్ణయంతో వర్మ ఆశలు గల్లంతయ్యాయి. గత ఎన్నికల్లో భీమవరం, గాజువాక నుంచి పోటీ చేసిన పవన్‌… ఈ సారి పిఠాపురం నుంచి పోటీ చేయాలని భావించారు. కూటమిలో కీలకనేత పవన్‌ నిర్ణయాన్ని టీడీపీ అంగీకరించాల్సి వచ్చింది. ఎమ్మెల్యేగా…