ప్రకాశంలో వైసీపీకి కోల్పొతున్న పట్టు

సిరా న్యూస్,ఒంగోలు; ఉమ్మ‌డి ప్ర‌కాశం జిల్లాపై అధికార వైఎస్సార్ కాంగ్రెస్ పార్టీ ప‌ట్టు కోల్పోతోందా? సంస్క‌ర‌ణ‌ల పేరిట చేప‌ట్టిన మార్పులు ఆ పార్టీకి ఇబ్బందిగా మారుతున్నాయా? నాయ‌కుల మ‌ధ్య స‌ఖ్య‌త‌, ఐక్య‌త కూడా లోపిస్తోందా? అంటే ఔన‌నే అంటున్నారు ప‌రిశీల‌కులు. మ‌రో రెండు మాసాల్లో ఎన్నిక‌లు జ‌ర‌గ‌నున్న తరుణంలో ప్ర‌కాశం జిల్లా వైసీపీలో జ‌రుగుతున్న మార్పులు.. నేత‌ల మ‌ధ్య విభేదాలు స్థానికంగా క‌ల‌క‌లం రేపుతున్నాయి. పదేపదే ప్రాంతీయ సమన్వయకర్తలు మారుతున్నా సమన్వయం చేయలేకపోతున్నారు. ప్ర‌కాశం జిల్లాలోని కీల‌క‌మైన గిద్దలూరు, కనిగిరి, మార్కాపురం, దర్శి, సంతనూతలపాడు, యర్రగొండపాలెం నియోజకవర్గాల్లోని వైఎస్సార్ సీపీ నేత‌ల మ‌ధ్య‌ అంతర్గత కుమ్ములాటలు అధికమయ్యాయి. ఈ జిల్లాలో తొలుత మాజీ మంత్రి బాలినేని శ్రీనివాసరెడ్డి, ఆ తర్వాత ప్ర‌స్తుత టీటీడీ బోర్డు చైర్మ‌న్‌ భూమన కరుణాకర్‌రెడ్డి, రాజ్య‌స‌భ స‌భ్యుడు బీదా మస్తాన్‌రావు, అనంతరం రాజ్య‌స‌భ…