Zpss Chada(T): రాష్ట్ర స్థాయిలో సత్తాచాటిన చాందా–టి విద్యార్థులు
సిరా న్యూస్, ఆదిలాబాద్‌ రూరల్‌: రాష్ట్ర స్థాయిలో సత్తాచాటిన చాందా–టి విద్యార్థులు ఆదిలాబాద్‌ జిల్లా రూరల్‌ మండలంలోని చాందా–టి గ్రామంలోని జడ్పీ ఉన్నత పాఠశాలకు చెందిన విద్యార్థులు పడాల కార్తీక్, అంబటి విఘ్నేష్‌లు రాష్ట్ర స్థాయి సైన్స్‌ ఫెయిర్‌ పోటీలకు ఎంపికై సత్తాచాటారు. ‘కమ్యూనికేషన్‌ అండ్‌ ట్రాన్స్‌పోర్ట్‌’ అనే అంశంపై వారు రూపొందిన ప్రాజెక్ట్‌ రాష్ట్ర స్థాయి పోటీలకు ఎంపికైనట్లు ఉపాద్యాయులు తెలిపారు. కాగ శనివారం పాఠశాల ఏర్పాటు చేసిన కార్యక్రమంలో ఈ మేరకు విద్యార్థులను స్థానిక ఎంపిటీసీ బొడగరి శ్రీనివాస్, పాఠశాల ప్రధానోపాద్యాయులు ఆర్‌. శ్యాంరావ్‌ , గైడ్‌ టీచర్‌ ఆరె భాస్కర్, గ్రామస్తులు ప్రత్యేకంగా అభినందించారు. జాతీయ స్థాయిలో సైతం రాణించాలని వారు ఆకాక్షించారు. ఈ కార్యక్రమంలో ఉపాద్యాయులు అమరేందర్, విద్యాసాగర్, మధుకర్‌ వర్మ, దేవిదాస్, రాంకుమార్, తదితరులు పాల్గొన్నారు.