సిరా న్యూస్, చిగురుమామిడి:
బొమ్మనపల్లిలో తాగునీటి కష్టాలు
+ ఎస్సీ కాలనీ నీళ్లు లేక ఇబ్బందులు
+ 5 ఏండ్లుగా బోర్‌ లేక అవస్థలు
కరీంనగర్‌ జిల్లా చిగురుమామిడి మండలంలోని బొమ్మనపల్లిలో తాగు నీటికి ప్రజలు తీవ్రంగా ఇబ్బందులు పడుతున్నారు. ముఖ్యంగా 12వ నంబరు వార్డు, ఎస్సీ కాలనీలో బోరు చెడిపోవడంతో నీళ్ల కోసం అవస్థలు పడుతున్నారు. దాదాపు గత 5సంవత్సరాలుగా బోరు చెడిపోయి ఉందని స్థానికులు చెబుతున్నారు. అప్పటి నుండి ఇప్పటి వరకు బోర్‌కు మరమత్తులు చేసే నాథుడే కరువయ్యాడని ఆవేదన వ్యక్తం చేస్తున్నారు. నాడు 2013లో అప్పటి కరీనంగర్‌ ఎంపీ పొన్నం ప్రభాకర్‌ బోర్‌ వేయించారని చెబుతున్నారు. ప్రస్తుతం మరల పొన్నం ప్రభాకర్‌ రెడ్డికి మంత్రి పదవి రావడంతో ఆయనపై ఆశలు పెట్టుకున్నారు. ఒక్క బోర్‌ ఏర్పాటు చేయించి, తమ కష్టాలు తీర్చాలని ప్రజలు వేడుకుంటున్నారు.