సిరా న్యూస్, బోథ్‌:
ఆటలతో మరింత స్నేహ భావం
క్రీడలతో స్నేహభావం పెరగడంతో పాటు శారీరక, మానసిక ఉల్లాసం సాధ్యమవుతుందని కాంగ్రెస్‌ పార్టీ నాయకులు ఆత్రం భాస్కర్‌ అన్నారు. శనివారం ఆదిలాబాద్‌ జిల్లా బోథ్‌ మండలంలోని కేశవ్‌ గూడ గ్రామంలో గోండ్‌ వాన యూత్‌ ఆధ్వర్యంలో నిర్వహించిన క్రికెట్‌ పోటీలను ప్రారంభించారు. ఈ సందర్భంగా ఆయన మాట్లాడుతూ… క్రీడలతో ఐక్యత భావం పెరుగుతుందని ఆయన అన్నారు. ప్రశాంత వాతావరణంలో క్రీడలు పూర్తి చేసుకోవాలని కోరారు. ఈ సందర్భంగా వజ్జర్‌ గ్రామపంచాయతీ పరిదిలో పర్యటించి, ప్రజలతో మాట్లాడి వారి సమస్యలను అడిగి తెల్సుకున్నారు. రానున్న రోజుల్లో ప్రజా సమస్యల పరిష్కారమే లక్ష్యంగా పనిచేస్తామని ఆయన అన్నారు. కార్యక్రమంలో నాయకులు కోవ లక్ష్మణ్‌ పటేల్, ఆత్రం జైతు, పురుషోత్తం తదితరులు పాల్గొన్నారు.