సిరాన్యూస్,బేల
ప్రతిభ ఉన్న క్రీడాకారులకు పూర్తి సహకారం: స్పోర్ట్స్ అథారిటీ చైర్మన్ శివసేనా రెడ్డి
* చైర్మన్ ని కలిసిన జిల్లా యువజన కాంగ్రెస్ నాయకులు
తెలంగాణ రాష్ట్రంలో ప్రతిభ ఉన్న యువతి యువకులు ఎందరో మంది ఉన్నారని ప్రోత్సాహం లేక వారు వెనుకబడి పోతున్నారని, అలాంటి వారికి క్రీడల్లో తన పూర్తి సహకారం ఉంటుందని తెలంగాణ రాష్ట్ర స్పోర్ట్స్ అథారిటీ చైర్మన్ శివసేనా రెడ్డి పేర్కొన్నారు.స్పోర్ట్స్ అథారిటీ చైర్మన్ గా నియామకమైన ఆయన శనివారం హైదరాబాద్ గచ్చిబౌలి ఇండోర్ స్టేడియంలో స్పోర్ట్స్ అథారిటీ చైర్మన్ గా బాధ్యతలు స్వీకరించిన శివసేనారెడ్డికి ఆదిలాబాద్ జిల్లా యువజన కాంగ్రెస్ జిల్లా అధ్యక్ష ప్రధాన కార్యదర్శులు పలువురు నాయకులు మర్యాద పూర్వకంగా కలిసి శుభాకాంక్షలు తెలిపి, శాలువాతో సత్కరించారు. ఈ సందర్భంగా శివసేన రెడ్డి వెనుకబడిన జిల్లాకు ఆదిలాబాద్ జిల్లాలోని గ్రామీణ క్రీడాకారులు ఎందరో మంది ప్రతిభ ఉన్న ప్రోత్సాహం లేక వెనుకబడి పోతున్నారన్నారు. అలాంటి వారిని యువజన కాంగ్రెస్ నాయకులు గుర్తించాల్సిన అవసరం ఉందని సూచించారు.తెలంగాణ రాష్ట్ర వ్యాప్తంగా ప్రతిభ ఉన్న ప్రతి ఒక్కరికి క్రీడల్లో అవకాశం కల్పిస్తామని పేర్కొన్నారు. ఇందులో యువజన కాంగ్రెస్ జిల్లా అధ్యక్షుడు సాయి చరణ్ గౌడ్, ఆదిలాబాద్ నియోజకవర్గ యువజన కాంగ్రెస్ ప్రధాన కార్యదర్శి సామ రూపేష్ రెడ్డి,యువజన కాంగ్రెస్ బోథ్ నియోజకవర్గ అధ్యక్షుడు పోతారెడ్డి తదితరులు ఉన్నారు.