సిరాన్యూస్, జైనథ్
ఉపాధ్యాయ పోస్టులకు దరఖాస్తుల ఆహ్వానం : ప్రిన్సిపాల్ రాము
జైనథ్ మండల కేంద్రంలోని మోడల్ స్కూల్ (ఆదర్శ పాఠశాల) లో గంటల ప్రాతిపదికన పీజీటీ, టీజీటీ ఉపాధ్యాయ పోస్టుల భర్తీకి అర్హుల నుంచి దరఖాస్తులు ఆహ్వానిస్తున్నట్లు ప్రిన్సిపాల్ రాము ఒక ప్రకటనలో తెలిపారు. పాఠశాల, కళాశాల విద్యార్థు లకు ఇంగ్లీష్ మీడియంలో బోధించడానికి పీజీటీ విభాగంలో ఇంగ్లిష్, ఎకనామిక్స్, కామర్స్, పొలిటికల్ సైన్స్, హిందీ తో పాటు టీజీటీ విభాగంలో ఇంగ్లీష్, సైన్స్ పోస్టులకు తాత్కాలిక ప్రాతిపదికన (హావర్లీ బేస్డ్) పనిచేయుటకు ఆసక్తి గల అభ్యర్థులు దరఖాస్తు చేసుకోవాలని సూచించారు. పీజీటీ కు ఆయా విషయాల్లో పీజీ తో పాటు బీఎడ్ అర్హత, టీజీటీ కు ఆయా విషయాల్లో డిగ్రీ, బీఎడ్ తో పాటు టెట్ పూర్తి చేసిన వారు అర్హులు తెలిపారు. తగిన ధ్రువపత్రాలతో ఈ నెల 27లోగా పాఠశాలలో దరఖాస్తు చేసుకోవాలని, నిపుణుల కమిటీ సమక్షంలో డెమో ద్వారా ఎంపిక ప్రక్రియ ఉంటుందని పేర్కొన్నారు.