సిరాన్యూస్, ఆదిలాబాద్
దండారి బృందానికి దుస్తులు పంపిణీ : సామాజిక కార్యకర్త ముడుపు మౌనిష్ రెడ్డి
ఆదిలాబాద్ జిల్లా వ్యాప్తంగా దండారి ఉత్సవాలు ఘనంగా కొనసాగుతున్నాయి. ఇందులో భాగంగా జిల్లా కేంద్రంలోని సామాజిక కార్యకర్త ముడుపు మౌనిష్ రెడ్డి నివాసం వద్ద తలమడుగు మండలం నర్సాపూర్, మదనపూర్, కొలంగూడా దండారి బృందాలు ప్రదర్శించిన నృత్యాలు అందర్నీ ఆకట్టుకున్నాయి. సంస్కృతి సంప్రదాయాలను కాపాడుకుంటూ దీపావళి పండగ సందర్భంగా దండారి ఉత్సవాలను ఆదివాసులు ఘనంగా జరుపుకోవడం అభినందనీయమని మౌనిష్ రెడ్డి పేర్కొన్నారు.ఇదిలా ఉంటే నరసాపూర్ దండారి బృందానికి బట్టలను పంపిణీ చేశారు. కార్యక్రమం లో మౌనిష్ రెడ్డి కుటుంబ సభ్యులు ఉన్నారు.