సిరాన్యూస్, కళ్యాణదుర్గం
ఉర్దూ పాఠశాలలో పుస్తకాల పంపిణీ : సీనియర్ కాంగ్రెస్ నాయకుడు చల్లపల్లి వీరయ్య చౌదరి
కేంద్ర మాజీ విద్యా శాఖ మంత్రి మౌలానా ఆజాద్ పుట్టినరోజు సందర్భంగా మంగ‌ళ‌వారం కళ్యాణదుర్గం ఉర్దూ పాఠశాలలో విద్యార్థులకు పుస్తకాలు పంపిణీ చేశారు. ఈ సంద‌ర్బంగా నోట్ పుస్తకాలు, పెన్నులు అందించినట్లు సీనియర్ కాంగ్రెస్ నాయకుడు చల్లపల్లి వీరయ్య చౌదరి తెలిపారు. కేంద్ర మంత్రిగా, సంఘసంస్కర్తగా మౌలానా ఆజాద్ చేసిన సేవలు విద్యార్థులకు వివరించారు. కార్యక్రమంలో ఫక్రుద్దీన్ సాబ్, కళ్యాణదుర్గం పట్టణ అధ్యక్షుడు బోయ నాగరాజు, మైనారిటీ అధ్యక్షుడు కొలిమి దాదా, యువజన కాంగ్రెస్ అధ్యక్షుడు కె.ఉద్దీప్ సింహ, ఎస్సీ కాలనీ రవి తదితరులు పాల్గొన్నారు.