సిరా న్యూస్, జైనథ్‌:
ఎమ్మెల్యే పాయల్‌ శంకర్‌ ప్రత్యేక పూజలు…
ఆదిలాబాద్‌ జిల్లా జైనథ్‌ మండలంలోని కూర గ్రామంలో ఆదివారం నిర్వహించిన శ్రీ వేంకటేశ్వర స్వామి కళ్యాణమహోత్సవంలో ఎమ్మెల్యే పాయల్‌ శంకర్‌ ప్రత్యేక పూజలు నిర్వహించారు. ఈ మేరకు, బీజేపీ నాయకులు, స్థానిక కార్యకర్తలతో కలిసి పూజాది కార్యక్రమాల్లో పాల్గొన్నారు. సతీ సమేతుడైన శ్రీ వేంకటేశ్వర స్వామిని దర్శించుకొని, అభిషేకాలు గావించారు. వేదమంత్రాలు, భాజాభజంత్రీల నడుమ అంగరంగ వైభవంగా నిర్వహించిన కళ్యాణోత్సవాన్ని భక్తులతో కలిసి తిలకించారు. అంతకు ముందు గ్రామ యువకులు, స్థానిక నాయకులు ఎమ్మెల్యే పాయల్‌ శంకర్‌కు ఘన స్వాగతం పలికారు. శాలువాలు, పూలమాలలతో ఎమ్మెల్యేను సన్మానించారు. ఆయన వెంట బీజేపీ పార్టి మండల అధ్యక్షుడు కట్కం రాందాస్, నాయకులు సిడాం రాకేష్, రాకేష్ రెడ్డి, తదితరులు ఉన్నారు.
