సిరా న్యూస్, ఆదిలాబాద్:
సంత్ రవిదాస్ ప్రతి ఒక్కరికి ఆదర్శనీయం…
– ఆదిలాబాద్ ఎమ్మెల్యే పాయల్ శంకర్
తన ఆలోచనల ద్వారా సామాజిక చైతన్యాన్ని రగిలించిన స్ఫూర్తి ప్రధాత సంత్ రవిదాస్ ప్రతీ ఒక్కరికీ ఆదర్శమనీయమని ఆదిలాబాద్ ఎమ్మెల్యే పాయాల్ శంకర్ అన్నారు. ఆదివారం ఆదిలాబాద్ పట్టణంలోని చిలుకూరి లక్ష్మీ నగర్ లో నిర్వహించిన సంత్ రవిదాస్ జయంతి వేడుకలకు ఆయన ముఖ్యఅతిథిగా హాజరయ్యారు. ఈ సందర్భంగా పలువురు నాయకులతో కలిసి సంత్ రవిదాస్ విగ్రహా ప్రతిష్ఠాపన గావించారు. అనంతరం ఆయన మాట్లాడుతూ… ఎలాంటి టెక్నాలజీ అందుబాటులో లేని కాలంలో ఒక సామాన్య కుటుంబానికి చెందిన సంత్ రవిదాస్ తన ఆలోచనలను సమాజం లో ప్రతి ఒక్కరికి చేరేలా చేసిన కృషి ఎనలేనిది అన్నారు. నేడు సమాజంలో అందరికీ విద్య, సమాన అవకాశాలు అందడం వెనుక సంత్ రవిదాస్ లాంటి మహనీయుల ఆలోచనలు ఉన్నాయని అన్నారు. ఆయన ఆలోచనలు, ఆధ్యాత్మిక భావనలు నేటి సమాజంలో ప్రతి ఒక్కరికి ఎంతగానో అవసరమని అన్నారు. సంత్ రవిదాస్ స్ఫూర్తితో ఆయన చూపిన బాటలో ముందుకు నడవాలని సూచించారు.
