సిరా న్యూస్, అదిలాబాద్:
తాంసి మండల కేంద్రంలో శివాజీ విగ్రహావిష్కరణ
– ముఖ్య అతిథిగా హాజరైన లోక ప్రవీణ్ రెడ్డి
– శివాజీని ఆదర్శంగా తీసుకోవాలని యువతకు పిలిపు
మరాఠా యోధుడు చత్రపతి శివాజీ మహారాజ్ ధైర్యసహసాలను యువత ఆదర్శంగా తీసుకొని, జాతి ఐక్యత కోసం కృషి చేయాలని బిజెపి పార్టీ ఆదిలాబాద్ జిల్లా అధికార ప్రతినిధి లోకా ప్రవీణ్ రెడ్డి సూచించారు. ఆదివారం ఆదిలాబాద్ జిల్లా తాంసి మండల కేంద్రంలో చత్రపతి శివాజీ విగ్రహ ప్రతిష్టాపన కార్యక్రమానికి ఆయన ముఖ్య అతిథిగా హాజరయ్యారు. శివాజీ విగ్రహ ప్రతిష్టాపన కోసం రూ. 50 వేల విరాళం అందించిన లోక ప్రవీణ్ రెడ్డిని ఈ సందర్భంగా యువకులు సాదర స్వాగతం పలికి, ఘనంగా సన్మానించారు. అనంతరం లోకా ప్రవీణ్ రెడ్డి మాట్లాడుతూ… ఎందరో మంది పేద ప్రజల జీవితాల్లో వెలుగులు నింపిన మరాఠా యోధుడు చత్రపతి శివాజీ విగ్రహ ప్రతిష్టాపన చేపట్టడం సంతోషకరమన్నారు. విగ్రహ ప్రతిష్ఠాపన కోసం అహర్నిశలు శ్రమించిన తాంసి యువకులను ఆయన అభినందించారు. యువత ఆయనలోని ధైర్య సాహసాలను పునికి పుచ్చుకొని, తమ హక్కుల కోసం రాజీ లేని పోరాటాలు చేయాలన్నారు.