సిరా న్యూస్, గుడిహత్నూర్:
గుడిహత్నూర్ లో మొరాయించిన ఈవీఎం… అరగంట ఆలస్యంగా ప్రారంభమైన పోలింగ్
ఆదిలాబాద్ జిల్లా గుడిహత్నూర్ మండల కేంద్రం జవహర్ నగర్ లోని ప్రాథమిక పాఠశాలలో ఏర్పాటుచేసిన పోలింగ్ కేంద్రంల (106) లో ఈవీఎం మొరాయించింది. ఈవీఎం లో సాంకేతిక సమస్య తలెత్తడంతో, అరగంట పాటు సిబ్బంది ఈవీఎం ను సరి చేసే పనిలో తలమునకులైనారు. ఎట్టకేలకు ఈవీఎంను సరి చేయడంతో 7:00 గంటలకు ప్రారంభం కావాల్సిన ఎన్నికలు 7:30 గంటలకు ప్రారంభమయ్యాయి. కాగా ఎన్నికలు ఆలస్యంగా ప్రారంభమవ్వడంపై స్థానిక కాంగ్రెస్ నాయకులు, ప్రముఖ న్యాయవాది అజయ్ కుమార్ ఎన్నికల అధికారులతో మాట్లాడారు. ఓటింగ్ ప్రక్రియ అరగంట పాటు ఆలస్యంగా ప్రారంభం అయినందున, సాయంత్రం 6:30 వరకు ఎన్నికలు నిర్వహించాలని కోరారు.
