సిరాన్యూస్, భీమదేవరపల్లి
గుండెపోటుతో రైతు పిట్టల సమ్మయ్య మృతి
* మల్లారం గ్రామంలో విషాదఛాయలు
భీమదేవరపల్లి మండలంలోని మల్లారం గ్రామానికి చెందిన రైతు పిట్టల సమ్మయ్య (50) గుండె పోటుతో మృతి చెందాడు. గ్రామ‌స్తుల తెలిపిన వివ‌రాల ప్ర‌కారం..బుధ‌వారం బావి దగ్గరికి వెళ్లి వచ్చిన సమ్మయ్య ఇంటిదగ్గర సాధారణ పనులు చేస్తుండగా కుప్పకూలిపోయాడు. గమనించిన కుటుంబ స‌భ్యులు ఆసుపత్రికి తీసుకెళ్లే లోపు మృతి చెందాడు. గ్రామంలో అందరితో కలిసికట్టుగా మెదిలే సమ్మయ్య మృతి చెంద‌డంతో గ్రామంలో విషాదఛాయలు అలుముకున్నాయి. బాధిత కుటుంబాన్ని ప్రభుత్వ ప‌రంగా ఆదుకోవాలని పలువురు కోరారు.