సిరాన్యూస్, ఉట్నూర్
నేటి యువత మహాత్మా గాంధీని ఆదర్శంగా తీసుకోవాలి: ఎమ్మెల్యే వెడ్మ బొజ్జు పటేల్
అహింసాయుత మార్గాన్ని అనుసరించి దేశానికి స్వాత్రాంత్ర్యన్ని తెచ్చి పెట్టిన మహనీయుడు మహాత్మా గాంధీ అని ఖానాపూర్ నియోజకవర్గ శాసనసభ్యులు వెడ్మ బొజ్జు పటేల్ అన్నారు.బుధవారం అదిలాబాద్ జిల్లా ఉట్నూర్ మండల కేంద్రంలోని ఎమ్మెల్యే క్యాంపు కార్యాలయంలో మహాత్మా గాంధీ జయంతి వేడుకలను కాంగ్రెస్ పార్టీ ఆధ్వర్యంలో ఘనంగా నిర్వహించారు.ఈ జయంతి వేడుకలలో ఖానాపూర్ ఎమ్మెల్యే వెడ్మ బొజ్జు పటేల్ ముఖ్య అథితిగా హాజరయ్యారు.ముందుగా మహాత్మా గాంధీ చిత్రపటానికి పూలమాలలు వేసి ఘన నివాళులర్పించారు.ఈ సందర్భంగా ఎమ్మెల్యే మాట్లాడుతూ.దేశాన్ని ఏకతాటిపై తెచ్చి ఆంగ్లేయుల పాలనను అంతమొందించడంలో గాంధీజీ కీలక పాత్ర పోషించారని,ఆయన చేసిన పోరాటాల వల్లె దేశానికి స్వాతంత్రం వచ్చిందని తెలిపారు.హింసకుతావు లేకుండా మహాత్మా గాంధీ చేసిన పోరాటం భవిష్యత్తు తరాలకు స్ఫూర్తినిస్తుందని అన్నారు.నేటి యువత ఆ మహనీయుడిని ఆదర్శంగా తీసుకొని,ఆయన చూపిన బాటలో నడవాలని పిలుపునిచ్చారు. కార్యక్రమంలో కాంగ్రెస్ పార్టీ నాయకులు, కార్యకర్తలు ,తదితరులు పాల్గొన్నారు.