సిరాన్యూస్, ఆదిలాబాద్
ఆదిలాబాద్ లో సినిమా షూటింగ్ ప్రారంభించిన అదనపు కలెక్టర్ శ్యామలదేవి
ఆదిలాబాద్ జిల్లా కేంద్రానికి చెందిన ప్రముఖ న్యాయవాది, నిర్మాత సుధీర్ కుమార్, సుధా క్రియేషన్స్ , సుధా యూట్యూబ్ ఛానల్ ఆధ్వర్యంలో “ఓ జీవిత గాధ ” అనే సినిమాని తెరకెక్కించ‌నున్నారు. శ‌నివారం ఆదిలాబాద్ జిల్లా కేంద్రంలో సినిమా షూటింగ్ను ఆదిలాబాద్ జిల్లా అదనపు పాలనాధికారి శ్యామలదేవి ప్రారంభించారు. ఈసంద‌ర్బంగా అదనపు కలెక్టర్ శ్యామలదేవి మాట్లాడారు. ఈ సినిమా విజయవంతం అవ్వాలని కోరారు. అనంత‌రం నిర్మాత సుధీర్ కుమార్ సంగెం మాట్లాడారు. ఓ జీవిత గాధ సినిమాను ఆదిలాబాద్ జిల్లా కళాకారుల‌తో ఆదిలాబాద్ అందాల్ని బయట ప్రపంచం కు పరిచయం చేయ‌డం జ‌రుగుతుంద‌ని, ప్రేమ, బాధ్యత రెండూ కలబోసిన చిత్రం గా త్వరలో ప్రేక్షకుల ముందుకు తీసుకు రాబోతున్నట్లు తెలిపారు. కార్యక్రమంలో ఎస్తేర్ వర్ణ,సీనియర్ న్యాయవాది అమరేందర్ రెడ్డి, ప్రభుత్వ న్యాయవాది సంజయ్ వైరాగరే, న్యాయవాది అఫ్రోజ్, సినీ దర్శకులు నిఖిలేష్ తొగరి, దర్శకులు వంశీ బొమ్మెత, కెమెరామెన్ కృష్ణ, చిత్ర నటి నటులు తదితరులు పాల్గొన్నారు.