జూనో ను అభినందించిన జిల్లా ఎస్పీ

సిరా న్యూస్,కొత్తగూడెం;
తెలంగాణ రాష్ట్ర స్థాయి పోలీస్ డ్యూటీ మీట్ పోటీల్లో బంగారు పతకం సాధించిన పోలీస్ జాగిలం జూనో ను జిల్లా ఎస్పీ రోహిత్ రాజు అభినందించారు. మంగళవారం ఎస్పీ కార్యాలయంలో నిర్వహించిన సమావేశంలో ఆయన మాట్లాడుతూ ఈ నెల 16 నుండి 19వ తారీకు వరకు హైదరాబాద్, తెలంగాణ రాష్ట్ర పోలీస్ అకాడమీలో జరిగిన తెలంగాణ రాష్ట్ర స్థాయి పోలీస్ డ్యూటీ మీట్-2024 పోటీల్లో పేలుడు పదార్థాలు (ఎక్సప్లోజీవ్స్)ను కనిపెట్టే విభాగంలో బంగారు పతకాన్ని సాధించిన జిల్లా పోలీస్ జాగీలం జూనో ను ప్రత్యేకంగా అభినందించారు.రాష్ట్ర వ్యాప్తంగా ఈ విభాగంలో మొత్తం 21 పోలీస్ జాగిలాలు పాల్గొనగా అందులో జూనో అత్యుత్తమ ప్రతిభను కనబరిచి బంగారు పతకాన్ని సాధించడం చాలా సంతోషంగా ఉందన్నారు.జూనో హ్యాండ్లర్ హుస్సేన్ ను కూడా ప్రశంసించారు.ఇదే విధంగా జాతీయస్థాయిలో కూడా తన ప్రతిభను కనబరిచి రాష్ట్రానికి బంగారు పతకాన్ని సాధించే విధంగా శిక్షణను ఇప్పించాలని సూచించారు. బంగారు పతకం సాధించి జిల్లాకు మంచి పేరు తీసుకొచ్చినందుకు గాను జూనో కు ఆయన రివార్డ్ ను అందజేశారు. ఈ కార్యక్రమంలో ఏఆర్ డిఎస్పి సత్యనారాయణ,అడ్మిన్ ఆర్ఐ లాల్ బాబు,ఆర్ఎస్సై శ్రీనివాస్ , తదితరులు , పాల్గొన్నారు.