సిరాన్యూస్, కళ్యాణదుర్గం
వాల్మీకి మహర్షి కాంస్య విగ్రహం ఏర్పాటు చేస్తాం : ఎమ్మెల్యే అమిలినేని సురేంద్రబాబు
* ఘనంగా వాల్మీకి జయంతి వేడుకలు
వాల్మీకి మహర్షి కాంస్య విగ్రహం ఏర్పాటు చేస్తామని ఎమ్మెల్యే అమిలినేని సురేంద్రబాబు అన్నారు. గురువారం అనంతపురం జిల్లా కళ్యాణదుర్గం పట్టణం వాల్మీకి సర్కిల్లో రాష్ట్ర ప్రభుత్వం ప్ర‌తిష్టాత్మ‌కంగా చేపట్టిన వాల్మీకి జయంతి వేడుకల్లో ఎమ్మెల్యే అమిలినేని సురేంద్ర బాబు ముఖ్యఅతిథిగా పాల్గొన్నారు. ఈసంద‌ర్బంగా మహర్షి వాల్మీకి విగ్రహానికి పూలమాలలు వేసి నివాళుల‌ర్పించారు. అనంతరం వాల్మీకి సీనియర్ నాయకులకు ఎమ్మెల్యే చేతుల మీదుగా ఘన సన్మానం చేయడం జరిగింది. ఈసంద‌ర్బంగా మహర్షి శ్రీ వాల్మీకి భగవానుడి జయంతి వేడుకల్లో పాల్గొనడం నా అదృష్టంగా భావిస్తున్నాని తెలిపారు. వాల్మీకి కూడలిని మరింత అభివృద్ధి చేసి చక్కని ఆహ్లాదకరమైన సర్కిల్ గా తీర్చిదిద్దుతామని, అలాగే వాల్మీకి మహర్షి కాంస్య విగ్రహం ఏర్పాటు చేస్తామని ఎమ్మెల్యే తెలిపారు. అనంతరం ఎమ్మెల్యే కార్యాలయం ప్రజావేదికలో ఘనంగా వాల్మీకి జయంతి వేడుకలు రాష్ట్ర ప్రభుత్వం వాల్మీకి జయంతిని నిర్వహిస్తుండటంతో కళ్యాణదుర్గం ఎమ్మెల్యే అమిలినేని సురేంద్ర బాబు కార్యాలయం ప్రజావేదికలో టీడీపీ సీనియర్ నాయకులు మహర్షి వాల్మీకి చిత్ర పటానికి పూలమాల వేసి నివాళుల‌ర్పించారు. కార్య‌క్ర‌మంలో టీడీపీ నాయకులు పాల్గొన్నారు.
