సిరాన్యూస్, కళ్యాణదుర్గం
ఆంజనేయస్వామి ఆలయానికి రూ.50వేల విరాళం : ఎమ్మెల్యే సురేంద్ర బాబు
శెట్టూరు మండల కేంద్రంలో సభ్యత్వ నమోదు కార్యక్రమానికి హాజరయ్యేందుకు వెళ్తున్న ఎమ్మెల్యే అమిలినేని సురేంద్ర బాబుకు మండలంలోని వైసీపీ నేతలు శనివారం స్వాగతం పలికారు.ముందుగా శాలువాతో సత్కరించి శ్రీ ఆంజనేయస్వామి ఆలయానికి రమ్మని ఆహ్వానించారు. పార్టీలతో సంబంధంలేకుండా వారి ఆహ్వానం మేరకు టీడీపీ నాయకులతో కలిసి స్వామివారిని దర్శించుకున్నారు.అనంతరం ఆలయం అభివృద్ధికి సహకరించాలని కోరగా స్పందించిన ఎమ్మెల్యే అమిలినేని సురేంద్ర బాబు తక్షణమే రూ.50 వేలు విరాళం అందించారు.మున్ముందు ఆలయం అభివృద్ధికి సహకారం అందిస్తానని తెలిపారు.