సిరా న్యూస్, అదిలాబాద్:
ఆదిలాబాద్ అసెంబ్లీ నియోజకవర్గం బిఆర్ఎస్ ఎమ్మెల్యే అభ్యర్థి జోగు రామన్న కోసం ఆయన సతీమణి జోగు రమ ఇంటింటా ప్రచారం నిర్వహించారు. ఆదిలాబాద్ పట్టణంలోని రణదివ్య నగర్ కాలనీలో ఇంటింటికి తిరుగుతూ బిఆర్ఎస్ ఎన్నికల మేనిఫెస్టో గురించి వివరించారు. మహిళలను ప్రత్యేకంగా పలకరిస్తూ, నుదుట బొట్టు పెడుతూ కారు గుర్తుకు ఓటు వేయాలని కోరారు. గడిచిన పదేళ్లలో ఆదిలాబాద్ ఎంతగానో అభివృద్ధి చెందిందని, మరోమారు ఎమ్మెల్యే జోగు రామన్నకు ఓటు వేసి భారీ మెజారిటీతో గెలిపించాలని కోరారు.