రూట్ మ్యాప్ లో ఊహించని ట్విస్ట్

సిరా న్యూస్,వరంగల్;
మహబూబాబాద్‌లో విచిత్ర సంఘటన జరిగింది. ఆంధ్ర – ఒరిస్సా సరిహద్డులో గంజాయి ప్యాక్ చేసుకున్న స్మగ్లర్లు AP16DP 1148 నెంబర్ గల కారులో హైదరాబాద్ కు గంజాయి తరలిస్తున్నారు. హైవే మీదుగా వెళ్తే పోలీసులు పట్టుకుంటారనే అనుమానంతో అడ్డదారిలో వెళ్తున్నారు.. ఈ క్రమంలోనే వాళ్ల రూట్ మ్యాప్ లో ఊహించని ట్విస్ట్ ఎదురయింది.. నెల్లికుదురు సమీపంలో ఎక్సైజ్ టాస్క్ ఫోర్స్ సిబ్బంది రెగ్యులర్ తనిఖీల్లో భాగంగా వాహనాలు తనిఖీ చేస్తున్నారు. ఆ మార్గంలో వెళుతున్న స్మగ్లర్ల కారు ఎక్సైజ్ సిబ్బందిని చూడగానే పరుగులు పెట్టింది.. అక్కడి నుంచి ఎస్కేప్ అవడానికి ప్రయత్నించారు.. కానీ వాళ్ల తలరాత బాగలేక దొరికిపోయారు..కారు ఎస్కేప్ అవుతుండగా గమనించిన ఎక్సైజ్ టాస్క్ ఫోర్స్ సిబ్బంది ఆ కారులో ఏదో ఉందని వెంబడించారు… చేజ్ చేసే క్రమంలో గంజాయితో ఉన్న కారు బోల్తా కొట్టింది.. ఇంకేముంది కథ అడ్డం తిరిగింది.. రూట్ మ్యాప్ లో వూహించని చేంజ్.. ఆ కారు డిక్కీ ఓపెన్ చేసిన ఎక్సైజ్ టాస్క్ఫోర్స్ సిబ్బంది అవాక్కయ్యారు.. అందులో కట్టల కట్టలుగంజాయి ప్యాకెట్స్ చూసి షాక్ అయ్యారు. 200 కిలోల ఎందు గంజాయి స్వాధీనం చేసుకున్నారు. ఈ గంజాయి విలువ దాదాపు రూ.40 లక్షలకు పైగా ఉంటుందని తెలిపారు. తెలంగాణ రాష్ట్ర ప్రభుత్వం మత్తు పదార్థాల విక్రయాలు గంజాయిపై ఉక్కుపాదం మోపుతున్న నేపథ్యంలో ఈ ముఠా ఎక్కడనుండి గంజాయి తరలిస్తున్నారు..! ఎక్కడ విక్రయాలు జరుపుతున్నారు.! ఇక్కడి నుండి ఎక్కడెక్కడికి గంజాయి తరలిస్తున్నారు అనే కోణంలో పోలీసులు, ఎక్సైజ్ సిబ్బంది మరిన్ని వివారాలు కుపీ లాగుతున్నారు.