సిరా న్యూస్, ఆదిలాబాద్:
బిజెపి ఆధ్వర్యంలో ఘనంగా మాత రమాబాయి అంబేద్కర్ జయంతి వేడుకలు…
+ గుడిహత్నూర్ గ్రామంలో నివాళులర్పించిన బిజెపి జిల్లా అధ్యక్షులు పతాంగే బ్రహ్మానంద్
+ ఆదిలాబాద్ జిల్లా కేంద్రంలో నివాళులర్పించిన పాయల్ శరత్
ఆదిలాబాద్ జిల్లా గుడిహత్నూర్ మండల కేంద్రంలో మాత రమాబాయి అంబేద్కర్ జయంతి వేడుకలను బిజెపి ఆధ్వర్యంలో ఘనంగా నిర్వహించారు. రమాబాయి చిత్రపటానికి బిజెపి జిల్లా అధ్యక్షులు పతాంగే బ్రహ్మానంద్ పలువురు నాయకులతో కలిసి పూలమాలలు వేసి నివాళులు అర్పించారు. అంబేద్కర్ ధర్మపత్ని రమాబాయి తన జీవితాన్ని త్యాగం చేసి డాక్టర్ బాబాసాహెబ్ అంబేద్కర్ కు వెన్నుదన్నుగా నిలిచారని అన్నారు. అంబేద్కర్ దేశం కోసం చేసిన సేవల్లో రమాబాయి పాత్ర ఎనలేనిది అన్నారు. నేటితరం మహిళలు, యువతులు రమాబాయి అంబేద్కర్ నీ స్ఫూర్తిగా తీసుకొని, జీవితంలో ముందుకు సాగాలని సూచించారు.
బిజెపి జిల్లా క్యాంపు కార్యాలయంలో…
ఆదిలాబాద్ జిల్లా కేంద్రంలోని బిజెపి క్యాంపు కార్యాలయంలో ఎమ్మెల్యే పాయల్ శంకర్ తనయుడు పాయల్ శరత్ రమాబాయి అంబేద్కర్ జయంతి వేడుకల్లో పాల్గొన్నారు. ఈ సందర్భంగా రమాబాయి చిత్రపటానికి పూలమాలలు వేసి నివాళులు అర్పించారు. అనంతరం ఆయన మాట్లాడుతూ… రమాబాయి అంబేద్కర్ అందరికీ ఆదర్శమని అన్నారు. కార్యక్రమంలో నాయకులు అస్తక్ సుభాష్, తాక్సాండే ధరంపాల్, అశోక్ రెడ్డి, గోవర్ధన్, మహేందర్, తదితరులు ఉన్నారు.